East Time News

நேற்று இடம்பெற்ற முக்கிய கலந்துரையாடல் ஒன்றின் போதே அவர்கள் இதனை தெரிவித்துள்ளனர். இது குறித்து டோக்கியோ ஒலிம்பிக் குழு தலைவர் யோயிரோ மோரி அளித்துள்ள பேட்டியில் முன்னதாக போர் காரணங்களால் மட்டுமே ஒலிம்பிக் போட்டிகள் இரத்தாகியுள்ளன. தற்போது கண்ணுக்கு தெரியாத எதிரியுடன் போராட வேண்டியுள்ளது. 2021 க்குள் கொரோனா நோய் தொற்று கட்டுக்குள் வரவில்லை என்றால், அதன் பிறகு 2022 க்கு போட்டியை ஒத்தி வைக்க முடியாது. அப்படி நடந்தால் ஒலிம்பிக் போட்டியை இரத்து செய்ய அதக வாய்ப்புள்ளது. கொரோனா வைரஸ் பரவல் நீடித்தால் ஆபத்து அதிகமாகம் என்றார். ஒலிம்பிக் போட்டிகளை ஜப்பான் தலைநகர் டோக்கியோவில் ஜூலை 24 ஆம் திகதி முதல் ஒகஸ்டு 9 ஆம் திகதி வரை நடத்த முன்னதாக உத்தேசிக்கப்பட்டிருந்தது. எனினும் கொரோனா வைரஸ் அச்சம் காரணமாக இந்த போட்டி ஒரு ஆண்டு தள்ளிவைக்கப்பட்டுள்ளது. அதற்கமைய 2021 ஆம் ஆண்டு வரை ஒத்தி வைக்கப்பட்டுள்ளமை குறிப்பிடதக்கது.

திருகோணமலை, கந்தளாய் நகரில் கொரோனா வைரஸ் தொற்றுக்கு இலக்கான நபர் அடையாளம் காணப்பட்டுள்ளார். இதனையடுத்து அப்பகுதியிலுள்ள வியாபார நிலையங்களை உடனடியாக மூடுமாறு வர்த்தக சங்கம் அறிவித்தல் விடுத்தது. இந்த அறிவித்தலின் அடிப்படையில் வியாபார நிலையங்கள் இன்று தொடக்கம் மறு அறிவித்தல் வரை மூடப்பட்டுள்ளன. வெலிசறை கடற்படை முகாமில் கடமையாற்றி வந்த கந்தளாய் - ரஜ எல பகுதியைச் சேர்ந்த 28 வயதுடைய நபருக்கே கொரோனா தொற்று உறுதி செய்யப்பட்டுள்ளமை குறிப்பிடத்தக்கது.

நீண்ட நாட்களாக ஊரடங்கு உத்தரவு அமலில் இருப்பதால் உலகம் முழுவதும் 70 லட்சம் எதிர்பாராத கருத்தரிப்புகள் ஏற்படக்கூடும் என ஐக்கிய நாடுகள் சபையின் ஆய்வு கூறுகிறது. UNFPA எனப்படும் ஐ.நா. மக்கள்தொகை நிதியம் (UN Population Fund) சார்பில் கொரோனா வைரஸ் பெருந்தொற்றின் தாக்கம் குறித்து ஓர் ஆய்வு மேற்கொள்ளப்பட்டிருக்கிறது. கொரோனா தடுப்புக்காக விதிக்கப்பட்டுள் கட்டுப்பாடுகளால் கருத்தடை சாதனங்களுக்கு தட்டுப்பாடு வரக்கூடும். கருத்தடை சாதனங்களுக்கு தட்டுப்பாடு ஏற்பட்டால், 4.7 கோடி பெண்களுக்கு கருத்தடை சாதனங்கள் கிடைக்காமல் போகும் வாய்ப்பு உள்ளது. இதனால், 70 லட்சம் எதிர்பாராத கர்ப்பங்கள் உருவாகக்கூடும். ஆண்களும், பெண்களும் பல நாட்கள் தொடர்ந்து வீட்டிலேயே இருப்பதால் அவர்களுக்குள் சண்டை ஏற்படுகிறது. 6 மாதங்கள் ஊரடங்குக் கட்டுப்பாடுகள் நீடிக்குமானால் 3.10 கோடி குடும்பச் சண்டைகள் நிகழக்கூடும். இப்படியே அடுத்தடுத்த 3 மாதங்களில் தலா 1.50 கோடி குடும்பச் சண்டைகள் அதிகமாகும். இந்த ஊரடங்கு கட்டுப்பாடுகளால் 1.3 கோடி குழந்தைத் திருமணங்கள் நடைபெறலாம். “எந்தச் சூழலிலும் பெண்கள் பாதுகாப்பை உறுதி செய்ய வேண்டியது அ...

இது தொடர்பில் சுகாதார அமைச்சின் தொற்று நோயியல் பிரிவு இன்று பிற்பகல் வெளியிட்டுள்ள அறிக்கையில் தெரிவிக்கப்பட்டுள்ளது, ஏப்ரல் 22 ஆம் திகதி முதல் இதுவரை 338 கொரோனா தொற்றாளர்கள் நாட்டில் அடையாளம் காணப்பட்டுள்ளனர். தற்போது நாட்டில் மொத்த கொரோனா தொற்றாளர்களின் எணிணிக்கையானது 649 ஆக காணப்படுவதுடன், குணமடைந்து வைத்தியசாலைகளிலிருந்து வெளியேறியவர்களின் தொகையும் 139 ஆக பதிவாகியுள்ளது. அதே நேரம் 7 பேர் உயிரிழந்தும் உள்ளனர். கடந்த 24 மணி நேரத்தில் 5 பேர் குணமடைந்து வைத்தியசாலைகளிலிருந்து வெளியேற்றப்ப்டடுள்ளனர். தற்போது நாடு முழுவதும் உள்ள வைத்தியசாலைகளில் மொத்தமாக 503 கொரோனா தொற்றாளர்கள் சிகிச்சை பெற்று வருகின்றனர். தேசிய தொற்று நோய்கள் வைத்தியசாலையில் 141 பேரும், கடற்படை வைத்தியாலையில் 126 பேரும், கொழும்பு, கிழக்கு முல்லேரியா வைத்தியசாலையில் 75 பேரும், வெலிகந்தை வைத்தியசாலையில் 66 பேரும், காத்தான்குடி வைத்தியசாலையில் 55 பேரும், இரணவில வைத்தியசாலையில் 22 பேரும், ஹோமாகம ஆதார வைத்தியசாலையில் 18 பேரும் சிகிச்சை பெற்று வருகின்றனர். அது மாத்திரமன்றி கொரோனா தொற்று சந்தேகத்தின...

கடந்த ஞாயிற்றுக்கிழமை (26) கிழக்கு லண்டனில் உள்ள ஐல்போர்டில், பதிவான ஒரு வயது மற்றும் மூன்று வயதுடைய குழந்தைகள் கத்தியால் குத்தி கொலைசெய்யப்பட்ட கொடூர சம்பவம் தொடர்பில் குழந்தைகளின் தந்தை கைது செய்யப்பட்டுள்ளார். இலங்கை வம்சாவளியை சேர்ந்த குறித்த குடும்பம் கிழக்கு லண்டனின் ஐல்போர்டில், வாழ்ந்துவந்துள்ள நிலையில், கடந்த ஞாயிற்றுக்கிழமை, ஒரு வயது மகள் மற்றும் மூன்று வயது மகன் கத்தியால் குத்திகொலைசெய்யப்பட்டதுடன் தந்தையும் கத்திகுத்து காயங்களுடன் வைத்தியசாலையில் அனுமதிக்கப்பட்டிருந்தார். கொலை, தற்கொலை முயற்சி என்ற கோணத்தில் விசாரணைகளை மேற்கொண்ட அந்நாட்டு புலனாய்வு பிரிவினர் நேற்று புதன்கிழமை கொலை தொடர்பில் 40 வயதான குழந்தைகளின் தந்தையை கைது செய்துள்ளனர். இந்நிலையில், குழந்தைகளின் தாய் தமது குழந்தைகள் கொல்லப்பட்டு இரத்த வெள்ளத்தில் இருந்த தருணத்தை வாக்கு மூலம் அளித்துள்ளார். தாம் குழந்தைகளின் அலரல் சத்தம் கேட்டு படுக்கையறைக்கு விரைந்த போது, சந்தேக நபரான குழந்தைகளின் தந்தை இரத்தில் நனைந்த ஒரு பெரிய சமையலறை கத்தியுடன் குழந்தைகளின் முன் மண்டியிட்டு அமர்ந்திருந்ததாக தெரிவித்துள்ளார். அப்பாவ...

மே தினத்தை முன்னிட்டு விடுத்துள்ள ஊடக அறிக்கையில் அவர் இந்த விடயத்தைக் குறிப்பிட்டிருக்கின்றார். அத்துடன் உலக சுகாதார ஸ்தாபனத்தினால் ஜனாதிபதி கோட்டாபய ராஜபக்சவுக்கு அறிக்கை ஒன்றை வழங்கியிருப்பதாகத் தெரிவித்திருக்கும் ரணில், அந்த அறிக்கையில் உள்ள விடயங்களை மக்களுக்கு அவர் பகிரங்கப்படுத்த வேண்டும் எனவும் வலியுறுத்தியுள்ளார்.

இம்முறை நடைபெற்று முடிந்த க.பொ.த.சாதாரணப் பரீட்சையில் வாழைச்சேனை பிரதேச செயலாளர் பிரிவிலுள்ள நாசீவன் தீவு மாணவன் வரலாற்று சாதனை புரிந்து அக்கிராமத்திற்கு பெருமை சேர்த்துள்ளார். நாசீவன் தீவு கிராமமானது 4 பக்கமும் கடல் மற்றும் ஆறுகளால் சூழுப்பட்ட மிகவும் பின் தங்கிய பிரதேசமாகும். வாழைச்சேனை இந்துக்கல்லூரி தேசிய பாடசாலையில் கல்வி கற்கும் மாணவனான தவராஜா சனுஸ்காந் என்பவரே இவ்வாறு சாதனை படைத்துள்ளார். குறித்த பாடசாலையில் 5 மாணவர்கள் 9 ஏ சித்திகளை பெற்றுள்ளனர். மீனவத் தொழில் புரியும் தந்தை தனது மகனின் கல்விக்காக தமது கிராமத்தில் இருந்து அன்றாடம் தோணியின் உதவியுடன் வாழைச்சேனை பிரதேசத்திற்கு ஆற்றைக் கடந்து வந்து மகனின் கல்வியை தொடர பெரிதும் உறுதுணையாக இருந்துள்ளர். குறித் மாணவனின் சாதனையை பிரதேச இளைஞர் அமைப்புக்கள் மற்றும் மட்டக்களப்பு வாசம் உதவும் கரங்கள் அமைப்பு என்பன பாராட்டி கௌரவித்தனர். இதேவேளை வாசம் உதவும் கரங்கள் அமைப்பின் தலைவர் வே.பிரபாகரனினால் குறித்த மாணவனின் எதிர்கால கல்வி வளர்சி கருதி துவிச்சக்கரவண்டி ஒன்றும் அன்பளிப்பு செய்து வைக்கப்பட்டது.

கொரோனா வைரஸ் அச்சுறுத்தலினால் இலங்கையில் மற்றுமொரு நகரம் மறு அறிவித்தல் வரை முற்றாக மூடப்பட்டுள்ளது. இதன்படி குருநாகல் மாவட்டம் நிக்கவரட்டிய நகரமே இவ்வாறு முடக்கப்பட்டுள்ளது. குறித்த பகுதியிலுள்ள பெண் ஒருவரது கணவர் கம்பஹா, வெலிசற கடற்படை முகாமில் பணியாற்றிவருவதோடு அவர் ஊடாக பெண்ணுக்கு கொரோனா தொற்று பரவியுள்ளது. அத்துட்ன் தொற்று ஏற்பட்டப் பெண் நகரின் பல இடங்களுக்கும் சென்றுள்ளதோடு இதனால் வைரஸ் பலருக்கும் பரவியிருக்கலாம் என்ற அச்சம் நிலவிவருகின்றது. இதன் காரணமாக குறித்த நகரம் முற்றாக முடக்கப்பட்டுள்ளது.

தற்போது உள்ள சூழலில் உலகம் முழுவதும் அதிகம் உச்சரிக்கப்படும் வார்த்தையில் ஓன்று கொரோனா. வேகமாக பரவிவரும் இந்த கொடிய வைரஸ் நோயை கட்டுப்படுத்த அனைத்து நாடுகளும் தீவிர முயற்சியில் இறங்கியுள்ளது. இந்தியாவிலும் வரும் மே 3 ஆம் தேதி வரை ஊரடங்கு அமலில் உள்ள நிலையில், ஜோதிட சிறுவன் அபிக்யா ஆனந்த் என்ற சிறுவன் கொரோனாவை முன்பே கணித்து கூறியிருந்த நிலையில், தற்போது சிறுவன் கூறியபடியே நடப்பதால் அனைவரும் ஆச்சரியத்தில் உள்ளனர். இந்நிலையில், இந்த ஆண்டு டிசம்பரில் உலகுக்கே ஒரு பேரழிவுவரும் என்றும் அந்த பேரழிவு மார்ச் 31ம் தேதிவரை நீடிக்கும் எனவும், கூடவே அது கொரனாவை விட கொடியதாக இருக்கும் எனவும் கூறியுள்ளான். இந்த நிலையில் , மக்கள் நோய் எதிர்ப்பு சக்தியை அதிகரித்தால் மட்டுமே நோயில் இருந்து தங்களை பாதுகாத்துக்கொள்ள முடியும் எனவும், கூடவே விலங்குக்ளை கொல்வதையும் நிறுத்த வேண்டும் எனவும் கூறியுள்ளார். ஏற்கனவே சிறுவன் கொரோனா விஷயத்தில் கூறியது அப்படியே நடந்துவருவதால் தற்போது சிறுவன் கூறியதை கேட்டு மக்கள் மத்தியில் சற்று பீதி ஏற்பட்டுள்ளது. இருப்பினும் சிறுவன் கூறிய அனைத்தும் இதுவரை பலித்ததில்லை என்பதும...

ஊரடங்கு தளர்த்தப்படும் வேளை மக்களின் நடமாட்டத்தைக் கட்டுப்படுத்த அரசால் அறிமுகப்படுத்தப்பட்ட தேசிய அடையாள அட்டை இறுதி இலக்க செயற்திட்டம் யாழ் மாநகரில் இன்று கடுமையாக நடைமுறைப்படுத்தப்பட்டது. இன்று வியாழக்கிழமை என்பதால் அடையாள அட்டையின் இறுதி இலக்கம் 7 மற்றும் 8 ஆகியவற்றைக் கொண்டவர்கள் மட்டும் யாழ்ப்பாணம் மாநகரின் மத்திக்குள் நுழைய அனுமதிக்கப்பட்டனர். அத்துடன் ஏனையோர் நகரின் மத்திக்குள் செல்ல அனுமதிக்கப்படாது திருப்பி அனுப்பப்பட்டுள்ளனர்.

நாட்டின் தற்போதைய சூழ்நிலை தொடர்பில் கலந்துரையாட முன்னாள் பாராளுமன்ற உறுப்பினர்கள் அனைவருக்கும் பிரதமர் மஹிந்த ராஜபக்ஷ அழைப்பு விடுத்துள்ளார். அதன்படி எதிர்வரும் மே மாதம் 4 ஆம் திகதி முன்னாள் பாராளுமன்ற உறுப்பினர்களை அனைவருக்கும் அழைப்பு விடுக்கப்பட்டுள்ளது.

இன்று இரவு 8 மணிக்கு அமுலாகும் ஊரடங்கு சட்டம் எதிர்வரும் திங்கட்கிழமை காலை 5 மணி வரை நீடிக்கும் என அறிவிக்கப்பட்டுள்ளது. இதற்கு காரணம் என்ன என பலராலும் வினவப்பட்டு வந்தது. எனினும் வெள்ளிக்கிழமை முதல் நீண்ட வார இறுதி விடுமுறை தினம் வருகின்றமையினால் இந்த தீர்மானம் எடுக்கப்பட்டுள்ளது. வெள்ளிக்கிழமை மே தினம் என்பதனாலும், மே தினம் என்பது அரச, வர்த்தக விடுமுறை தினம் என்பதனாலும் திங்கட்கிழமை வரை ஊரடங்கு சட்டம் அமுல்படுத்தப்பட்டுள்ளதாக தெரியவந்துள்ளது. கடந்த வாரமும் வார இறுதி நாட்களில் ஊரடங்கு சட்டம் அமுல்படுத்தப்பட்டிருந்தமை குறிப்பிடத்தக்கது. கொரோனா வைரஸ் அபாயமுள்ள வலயமான மேல் மாகாணம் மற்றும் புத்தளம் மாவட்டம் தவிர்ந்த ஏனைய பகுதிகளில் ஊரடங்கு சட்டம் காலை 5 மணி முதல் இரவு 8 மணி வரை தளர்த்தப்பட்டிருந்தமை குறிப்பிடத்தக்கது.

திருகோணமலை மாவட்டத்தில் கொரோனா நோயாளர்கள் அதிகரிக்குமாயின் அதனை தடுப்பதற்கு தயார் நிலையில் இருப்பதாக திருகோணமலை பிராந்திய சுகாதார சேவைகள் திணைக்களத்தின் பணிப்பாளர் வீ. பிரேமானந் தெரிவித்தார். கொரோனா தொற்று பற்றி இன்று இடம்பெற்ற நேர்காணலின் போதே அவர் இதனை தெரிவித்தார். திருகோணமலை மாவட்டத்தில் 2829 பேர் தனிமைப்படுத்தப்பட்ட நிலையில் சந்தேகத்திற்கிடமான 47 நோயாளர்கள் PCR பரிசோதனைக்கு உட்படுத்தப்பட்டதாகவும் தெரிவித்தார். அதில் நால்வருக்கு கொரோனா தொற்று உறுதிப்படுத்தப்பட்டுள்ளதாகவும் பதவிசிறிபுர பகுதியில் இரண்டு பேரும் மஹதிவுல்வெவ பகுதியில் ஒருவரும் கந்தளாய் - ரஜ எல பகுதியைச் சேர்ந்த ஒருவரும் இணங்காணப்பட்டுள்ளதாகவும் அவர் தெரிவித்தார். அத்துடன் 2101 பேருக்கு 14 நாட்கள் சுய தனிமைப்படுத்தல் முடிவடைந்துள்ள நிலையில் 728 பேர் தொடர்ந்தும் சுய தனிமைப்படுத்தலுக்கு உட்படுத்தப்பட்டுள்ளதாகவும் அவர் தெரிவித்தார். இதேவேளை உப்புவெளி சுகாதார வைத்திய அதிகாரி பிரிவில் எட்டு நபர்களின் மாதிரிகளும், தம்பலகாமம் பிரதேசத்தில் 12 பேரின் மாதிரிகளும் PCR பரிசோதனைக்கு அனுப்பி வைத்துள்ளதாகவும் திருகோணமலை ...

தலாத்துஓயா வர்த்தக சங்கத்தின் தலைவர் சுனில் வெதகே தலைமையில் கூடிய வர்த்தகர்கள் சுகாதாரத்துறையினரது ஆலோசனை மற்றும் பரிந்துரைக்கு அமைய இந்த நடவடிக்கையை எடுத்துள்ளனர். பொலிஸாரின் எந்தவித தலையீட்டின் பேரில் தாங்கள் இந்த முடிவுக்கு வரவில்லை என்றும் வர்த்தக சங்கத்தின் தலைவர் தெரிவிக்கின்றார். கண்டி மாவட்டத்தில் கொரோனா தொற்றுக்கு இலக்காகிய நபர்கள் தலாத்துஓயா நகருக்கும் வந்திருக்கலாம் என்கின்ற சந்தேகத்தில் இன்றைய தினம் நகரை முழுமையாக மூடிவைப்பதற்கும் நடவடிக்கை எடுத்ததாகவும் அவர் குறிப்பிட்டார். இதற்கமைய இன்று தலாத்துஓயா நகரம் வெறிச்சோடியிருந்தமை காணமுடிந்தது.

ஸ்லம்டாக் மில்லியனர், இன்பர்னோ (inferno), லைப் ஆப் பை (life of pi)ஆகிய ஹொலிவூட் படங்களிலும் பிகு ((pigu)) உள்ளிட்ட பொலிவூட் படங்களிலும் நடித்துள்ள பிரபல நடிகர் இர்பான்கான் உயிரிழந்துள்ளார். இர்பான் கானுக்கு புற்றுநோய் இருப்பது கடந்த 2018 ஆம் ஆண்டு கண்டுபிடிக்கப்பட்டது. இதையடுத்து அவர் லண்டனில் சிகிச்சை பெற்று வந்தார். ஊரடங்கு உத்தரவால் மும்பையில் இருந்த இர்பான் கானின் உடல்நலம் நேற்று திடீரென்று மோசமானது. இதையடுத்து மும்பையில் உள்ள வைத்தியசாலையில் தீவிர சிகிச்சை பிரிவில் அனுமதிக்கப்பட்டார். இந்நிலையில் சிகிச்சை பலனின்றி 54 வயதில் இர்பான் இன்று உயிரிழந்தார். பல மாதங்களாக தைரியமாக புற்றுநோயுடன் போராடி வந்த இர்பான் மறைந்த செய்தி அறிந்த திரையுலக பிரபலங்களும், ரசிகர்களும் அதிர்ச்சி அடைந்துள்ளனர். முன்னதாக இர்பான் கானின் அம்மா சயீதா பேகம் கடந்த 3 நாட்களுக்கு முன்பு உடல்நலக்குறைவால் இந்தியாவில் ஜெய்பூரில் காலமானார். அவரின் முகத்தை கடைசியாக நேரில் பார்க்க முடியாமல் வீடியோ அழைப்பின் மூலம் பார்த்து அழுதார் இர்பான். தாய் இறந்த 3 நாட்களில் மகனும் இறந்துள்ளது ரசிகர்களை கவலை அடையச் செய்திருக்...

நாடு முழுவதிலும் உள்ள அனைத்து தபால் நிலையங்களிலும் எதிர்வரும் ஏப்ரல் மாதம் 4 ஆம் திகதி முதல் வழமைபோல் திறக்கப்படும் என தபால் மா அதிபர் தெரிவித்துள்ளார். அ‌றி‌க்கை ஒ‌ன்றை வெளியிட்டு அவர் இதனைத் தெரிவித்துள்ளார். அதன்படி, மாதாந்திர கொடுப்பனவுகள், முதியோர் கொடுப்பனவுகள், விவசாய ஓய்வூதியம் மற்றும் ஓய்வூதியங்கள் உட்பட 2020 மே மாதத்திற்கான அனைத்து கொடுப்பனவுகளும் தபால் நிலையங்களில் செலுத்த நடவடிக்கை எடுக்கப்பட்டுள்ளது. இன்றிலிருந்து பொதுமக்களுக்கு நீர் க‌ட்டண‌ம் , மின்சார கட்டணம் செலுத்துதல், உள்ளூர் மின்னணு நாணய பரிமாற்றங்கள் மற்றும் கடிதங்கள் மற்றும் தபால்களை உள்ளூர் தபால் நிலையங்களில் ஒப்படைக்க வாய்ப்பளிக்கப்பட்டுள்ளது. சேவைகளைப் பெறுவதற்கு பொதுமக்கள் முறையான சுகாதார நடைமுறைகளைப் பின்பற்றுவார்கள் என்று எதிர்பார்க்கப்படுவதாக தபால் மா அதிபர் ரஞ்சித் ஆரியரத்ன தெரிவித்தார்.

இலங்கையில் கொரோனா வைரஸ் பரவும் வேகம் உலகின் ஏனைய நாடுகளை விடவும் உயர் மட்டத்தில் காணப்படுவதாக தெரிவிக்கப்படுகின்றது. இதுவரையில் இலங்கையில் கொரோனா பரவும் வேகம் 12.43% வீதம் வேகமாக உள்ளதென குறிப்பிடப்படுகின்றது. உலகில் கொரோனா வைரஸ் வேகம் 2.33% அளவிலேயே காணப்பட்டுள்ளதாக குறிப்பிடப்படுகின்றது. வைரஸ் தீவிரமடைந்த நாடுகளின் பட்டியலில் அமெரிக்கா 2.32%, ஸ்பெயின் 1.23%, இத்தாலி 0.88%, பிரான்ஸ் 2.31% மற்றும் ஜேர்மன் 0.63% ஆகிய வேகத்தில் கொரோனா பரவியுள்ளதாக குறிப்பிடப்படுகின்றது.

சார்ஸ் வைரசுடன் ஒப்பிடும் போது கொரோனா வைரஸை ஒழிப்பது மிகவும் சிரமம் எனவும் அது காய்ச்சல் போன்ற பருவகால நோயாக மாறலாம் எனவும் அவர்கள் கூறியுள்ளனர். எவ்வித நோய் அறிகுறியும் இன்றி வைரஸ் காவிகள் இருப்பதே கொரோனா வைரஸை ஒழிப்பதில் காணப்படும் பிரதான சிரமம். இவர்களை ஆரோக்கியமாக இருப்பவர்களுடன் பிரித்து அடையாளம் காணமுடியாது இருப்பது இந்த நோய் காவிகள் வைரஸை பரப்புவதில் வழங்கும் பங்களிப்பு அதிகமாக உள்ளது. சார்ஸ் வைரஸ் தொற்றிய நோயாளிகளுக்கு பெரியளவில் நோய் அறிகுறிகள் தென்பட்டன. இதனால் அவர்களை தனிமைப்படுத்தி நோய் பரவலை தடுக்க முடிந்தது.

இந்த நிலையில் கைதானவர்கள், பொலிஸ் பாதுகாப்பின் கீழ், தனிமைப்படுத்தப்பட்டுள்ளனர். கட்டுநாயக்க வர்த்தக வலயத்துள்ள ஆடைத்தொழில்சாலையில் கடமையாற்றிய பெண்கள் மூவரே இவ்வாறு விகாரைக்குள் மறைந்து இருந்துள்ளனர். மேற்படி பெண்கள் மூவரையும் தன்னுடைய வாகனத்திலேயே அழைத்து வந்த அந்த தேரர், அங்கு தங்கவைத்துள்ளார். கைதான பெண்கள், வாரியபொல, அம்பலாங்கொட மற்றும் குருநாகல் ஆகிய பிரதேசங்களைச் சேர்ந்தவர்கள் எனவும் பொலிஸார் தெரிவித்துள்ளனர். பொலிஸாருக்கு கிடைத்த தகவல்களை அடுத்து அங்கு விரைந்த பொலிஸார், சோதனை மேற்கொண்டபோது, விகாரையின் மறைவான இடத்தில், சட்டவிரோதமான மதுபானம் தயாரிப்பதற்கான பொருட்கள், அகழ்வு பணிகளை முன்னெடுக்கும் உபகரணங்கள் சிலவும் கைப்பற்றப்பட்டுள்ளன. இதனையடுத்து கைதான அனைவரும் தனிமைப்படுத்தப்பட்டுள்ளதாக தெரிவித்த பொலிஸார், அதற்குப் பின்னரே, மேலதிக நடவடிக்கைகள் முன்னெடுக்கப்படும் எனவும் கூறியுள்ளனர்.

சிலாவத்தையை சேர்ந்த சந்திரன் கம்ஷிகா எனும் பாடசாலை மாணவி தூக்கிட்டு தற்கொலை செய்து கொண்டுள்ளார். மிக சுட்டியான விறுவிறுப்பான எதற்கும் அஞ்சாத ஓர் மாணவி... தனது தந்தையுடன் ஓர் மகனை போன்று விவசாயம் தொடக்கம் அனைத்திலும் தந்தைக்கு தோள் கொடுக்கும் மகளாகவே இருந்து வந்தவள். அவளது குடும்பத்தில் நான்கு பெண்குழந்தைகள்..ஆதலால் இவள் தன்னை ஓர் மகனாக எண்ணியே படிப்பிலும் சரி , பாடசாலை விளையாட்டுக்களிலிலும் சரி கெட்டிக்காரியாகவே வலம் வந்தாள்.. நான் கூட குழப்படி என்றுதான் அவளை கூப்பிடுவேன்... அவள் தற்கொலைக்கு முன் வைத்த காரணம் தான் அதிர்ச்சியாக உள்ளது. க.போ.த சாதாரண தரத்தில் அனைத்து பாடங்களிலும் சித்தி பெற்று சிலாவத்தை பாடசாலையில் 3வது நிலையில் உள்ளாள். ஆனால் தான் 9 பாடங்களிலும் A தர சித்தி பெறுவேன் என்று ஆசிரியர்களுக்கும், சக மாணவர்களுக்கும் ,பெற்றோருக்கும் கூறி வந்துள்ளாள். இந்த நிலையில் நேற்றைய தினம் பரீட்சை பெறு பேறுகள் வெளியாகியது. அவள் எதிர் பார்த்த பெறுபேறு வரவில்லை. ஆனால் அனைத்து பாடமும் சித்தியடைந்துவிட்டாள்..ஆசிரியர்கள் அவளை தொலைபேசியில் வாழ்துவதற்கு தொடர்பு கொண்ட போது கூட யாருடனும் பேச ம...

இதற்கமைவாக ஞாயிற்றுக்கிழமை தவிர்ந்த அனைத்து வார நாட்களில் காலை 4.00 மணி தொடக்கம் பிற்பகல் 1.00 மணிவரை கொழம்பு மெனிங் மரக்கறி சந்தை திறந்திருக்கும். ஞாயிற்றுக்கிழமைகளில் கிருமி அழிப்பு நடவடிக்கை மேற்கொள்ளப்படும். சந்தைக்கு வருவோர் சுகாதார பிரிவினர் வழங்கியுள்ள அறிவுரைகளை கடைபிடிக்குமாறு வலியுநுத்தப்பட்டுள்ளது.

இதற்கான கொழும்பு பாகிஸ்தான் உயர் ஸ்தானிகராலயம் , பாகிஸ்தான் அரசு மற்றும் இலங்கை அதிகாரிகளுடன் ஒருங்கிணைந்து மேற்கொண்டிருந்தது. பண்டாரநாயக்க சர்வதேச விமான நிலையத்தில் புறப்பட்ட இவர்களை பாகிஸ்தான் உயர் ஸ்தானிகர் சார்பில் துணை உயர் ஸ்தானிகர் தன்வீர் அகமது வழி அனுப்பி வைத்தார். தம்மை பாகிஸ்தானியர்கள் பாகிஸ்தானுக்கு திருப்பி அனுப்ப ஏற்பாடு செய்து தந்த பாகிஸ்தான் அரசு மற்றும் பாகிஸ்தான் உயர் ஸ்தானிகராலயத்துக்கு அவர்கள் தமது நன்றிகளை தெரிவித்தனர். மேலும் , கோவிட் -19 தொற்றுநோய் பரவுவதையடுத்து சிரமங்களை எதிர்கொண்ட பாகிஸ்தான் பிரஜைகளின் நலன் மற்றும் நல்வாழ்வுக்கான உயர் ஸ்தானிகராலயத்தின் முயற்சிகளையும் அவர்கள் பாராட்டினார்.

அநுராதபுரம் நகரம், எப்பாவல, தலாவ மற்றும் மதவாச்சி ஆகிய நகரங்களே இவ்வாறு மூடப்பட்டுள்ளன. அநுராதபுரம் மாவட்டத்தில் சில கொரோனா நோயாளர்கள் இனங்காணப்பட்டுள்ளதை அடுத்து இந்த நடவடிக்கை மேற்கொள்ளப்பட்டுள்ளது. இவ்வாறு அடையாளம் காணப்பட்டவர்கள் சென்றுவந்த பிரதான நகரங்களாக அடையாளப்படுத்தப்பட்டிருக்கும் பிரதேசங்களே இவ்வாறு மூடப்பட்டிருப்பதாகவும் தெரிவிக்கப்படுகின்றது.

வடகொரிய ஜனாதிபதி உயிருடன் இருக்கின்றார் நலமாகயிருக்கின்றார் என தென்கொரியா தெரிவித்துள்ளது. தென்கொரிய ஜனாதிபதியின் சிரேஸ்ட வெளிவிவகார கொள்கை ஆலோசகர் மூன் சங் இன் இதனை சிஎன்என்னிற்கு தெரிவித்துள்ளார். அவர் உயிருடன் உள்ளார் நலமாக உள்ளார், அவர் ஏப்பிரல் 13 ம் திகதி முதல் வொன்சன் பகுதியில் காணப்படுகின்றார்,சந்தேகத்திற்கு இடமான நடவடிக்கைகளை காணமுடியவில்லை என அவர் குறிப்பிட்டுள்ளார். எங்களது அரசாங்கத்தின் நிலைப்பாடு உறுதியானது என அவர் தெரிவித்துள்ளார். இதேவேளை கொரிய இணைப்பு அமைச்சர் கிம் யினே சுல் வழமைக்கு மாறாக எதுவும் இடம்பெறவில்லை என்பதையே புலனாய்வு தகவல்கள் தெரிவிக்கின்றன என குறிப்பிட்டுள்ளார்.

கண்டி மாவட்டத்துக்குட்பட்ட நாவலப்பிட்டி அளுத்கம மற்றும் கொங்தென்ன ஆகிய பகுதிகளிலேயே இவர்களின் வீடுகள் அமைந்துள்ளன. வைரஸ் தொற்று உறுதியானதையடுத்து, இருவரையும் நோயாளர் காவுவண்டி மூலம் நேற்றிரவே (26.04.2020) வெலிசறை கடற்படை முகாமுக்கு அனுப்பி வைப்பதற்கு பொது சுகாதார பரிசோதகர்கள் நடவடிக்கை எடுத்தனர். ஏப்ரல் 18 ஆம் திகதி ஒருவரும், 21 ஆம் திகதி மற்றையவரும் வெலிசறை கடற்படை முகாமில் இருந்து தமது வீடுகளுக்கு விடுமுறையில் வந்துள்ளனர். குறித்த முகாமில் உள்ள கடற்படை சிப்பாய் ஒருவருக்கு கொரோனா பரவியமை கண்டறியப்பட்டதையடுத்து, பொது சுகாதார அதிகாரிகளின் ஆலோசனையின் பிரகாரம் இவர்கள் இருவரும், அவர்களின் குடும்பத்தாரும், தொடர்பை பேணியவர்களும் வீடுகளுக்குள்ளேயே தனிமைப்படுத்தப்பட்டனர். இந்நிலையில் மேற்கொள்ளப்பட்ட பி.சி.ஆர் பரிசோதனை மூலம் கடற்படை வீரர்கள் இருவருக்கும் கொரோனா தொற்றியிருப்பது கண்டறியப்பட்டது. அதேவேளை, கம்பளை - சிங்கஹாபிட்டிய பகுதியிலும் விடுமுறையில் வந்திருந்த கடற்படை வீரரொருவருக்கு வைரஸ் தொற்று இருப்பது பி.சி.ஆர் பரிசோதனை மூலம் கண்டறியப்பட்டுள்ளது. நேற்றிரவே அவரும் முகாமுக்கு அனுப்பி வைக்க...

ஒரு போர் நடைபெறும் சூழலில், யாரும் யாரையும் வீட்டுக்குள் இருக்கச் சொல்வதில்லை. அந்த நேரத்தில் வீட்டுக்குள் இருப்பது உங்கள் தேர்வுக்கு உட்பட்டது. உண்மையில் உங்களிடம் பதுங்கு குழி இருந்தால் கண்டிப்பாக போர் முடிந்து நிலைமை சரியாகும் வரை உங்கள் சாகச மன நிலையில் ஊர் சுற்றுவதைத் தவிர்த்து, அந்த பதுங்குக் குழியில் மறைந்தே இருப்பீர்கள்.  சுதந்திரத்தைப் பற்றி கேள்வி எழுப்பப்போவதில்லை, உயிர் பிழைக்க வேண்டி கட்டற்ற சுதந்திரத்தைத் தன்னிலையாக கைவிட்டு, அரசின் வழிகாட்டுதலைக் கடைப்பிடிக்கிறீர்கள். பசியைப் பற்றி புகார் செய்துகொண்டிருப்பதில்லை, மாறாக கையில் கிடைத்த உணவை உயிர் வாழ மட்டுமே தேவையான அளவு சிக்கனமாக உண்டு தன் இருப்பை நிலைநாட்டிக் கொள்கிறீர்கள். பிழைத்துக்கிடந்தால் பின் மொத்தமாக உண்டுகொள்ளலாம் என்ற மனநிலைக்கு தானாக வந்து விடுகிறீர்கள். ஒரு போர் நடந்துகொண்டிருக்கும் போது, உங்கள் கடைகளைத் திறப்பது பற்றியோ , வணிகத்தை நடத்துவது பற்றியோ நீங்கள் வாதிடுவதில்லை. மாறாக தன்னிச்சையாக வணிக வளாகங்களை மூடி விட்டு மறைந்துகொள்கிறீர்கள். வணிக வளாகங்களை திறப்பதற்கு முன், போர் முற்றிலுமாக முடிவுற்றத...

இதனடிப்படையில் பொலன்னறுவை, அம்பாறை மற்றும் திருகோணமலை ஆகிய மாவட்டங்களிலுள்ள விவசாயிகளுக்கு இந்த கொடுப்பனவை வழங்குவதற்குத் தீர்மானிக்கப்பட்டுள்ளதாக பொருளாதார மறுசீரமைப்பு, வறுமை ஒழிப்பு தொடர்பான ஜனாதிபதி செயலணி அறிவித்துள்ளது. விவசாய காப்புறுதி இழப்பீடு கிடைக்காத விவசாயிகளுக்கு மாத்திரம் 5,000 ரூபாவை வழங்குவுள்ளதாகவும் ஜனாதிபதி செயலணி குறிப்பிட்டுள்ளது. இதற்கான நடவடிக்கைகளை எடுக்குமாறு மாவட்ட செயலாளர்களுக்கும் கமநல சேவை ஆணையாளர்களுக்கும் ஆலோசனை வழங்கப்பட்டுள்ளது.

இலங்கையில் மேலும் 34 பேர் கொரோனா வைரஸ் தொற்றுக்கு உள்ளாகி இருப்பதாக சுகாதார அமைச்சு தெரிவித்துள்ளது. அதன் அடிப்படையில் இலங்கையில் கொரோனா வைரஸ் தொற்றுக்கு உள்ளானவர்கள் எண்ணிக்கை 557 ஆக அதிகரித்துள்ளது. இதுவரையில் கொரோனா வைரஸ் தொற்றுக்குள்ளானவர்களில் 126 பேர் பூரணகுணம் அடைந்துள்ளதுடன் ஏழு பேர் உயிரிழந்துள்ளனர். தற்போது 424 பேர் வைத்தியசாலைகளில் சிகிச்சை பெற்று வருவதாக சுகாதார அமைச்சு மேலும் தெரிவித்துள்ளது

இலங்கையில் நேற்று மாத்திரம் 63 கொரோனா வைரஸ் தொற்றுக்குள்ளான நோயாளர்கள் அடையாளம் காணப்பட்டதாக தொற்றுநோயியல் பிரிவு தெரிவித்துள்ளது. அதற்கமைய இலங்கையில் அடையாளம் காணப்பட்ட கொரோனா நோயாளிகளின் மொத்த எண்ணிக்கை 523 ஆகும். இதற்கு முன்னர் இலங்கையில் 100 நோயாளிகள் அடையாளம் காணுவதற்கு 54 நாட்களும் அதற்கு அடுத்த 100 நோயாளிகளுக்கு 19 நாட்களும் மூன்றாவது 100 நோயாளிகளுக்கு 8 நாட்களாகியுள்ளது. 4வது 100 கொரோனா நோயாளிகளுக்கு 3 நாட்களாகியுள்ளது. எனினும் அடுத்த 100 நோயாளிகள் வெறும் இரண்டு நாட்களில் அடையாளம் காணப்பட்டுள்ளமை மக்கள் மத்தியில் பெரும் அதிர்ச்சியை ஏற்படுத்தியுள்ளது.

கல்விப் பொதுத் தரதார சாதாரண தரப் பரீட்சை பெறுபேறுகள் வெளியிடப்படவுள்ளது. கடந்த ஆண்டு டிசம்பர் மாதம் நடைபெற்ற கல்விப் பொதுத் தராதர சாதாரண தரப் பரீட்சையின் பெறுபேறுகள் சற்று முன்னர் இணைய தளத்தில் பதிவேற்றப்பட்டுள்ளது. இலங்கை பரீட்சை திணைக்களத்தின் இணைய தளத்தில் பரீட்சை பெறுபேறுகளை பார்வையிட முடியும் என்பது குறிப்பிடத்தக்கது. இன்னும் சற்று நேரத்தில் https://www.doenets.lk/examresults என்ற இணை முகவரிக்குள் பிரவேசித்து பெறுபேறுகளை பார்வையிட முடியும் என பரீட்சைகள் திணைக்களம் அறிவித்துள்ளது.

க.பொ.த. சாதாரண தர பரீட்சைப் பெறுபேறுகள் இன்று மாலை வெளியாகும் என தகவல்கள் தெரிவிக்கின்றன. இந்த தகவலை பரீட்சைகள் ஆணையாளர் நாயகம் சனத் பீ பூஜித தெரிவித்துள்ளதாகவும் கூறப்படுகின்றது.

க.பொ.த உயர்தர பரீட்சைகள் ஒத்தி வைக்கப்படாதென கல்வி அமைச்சு தகவல் வெளியிட்டுள்ளது. எதிர்வரும் ஒகஸ்ட் மாதம் இடம்பெறவுள்ள உயர்தர பரீட்சைகளை பிற்போடுவதற்கு இதுவரையில் எவ்வித தீர்மானங்களும் மேற்கொள்ளப்படவில்லை என கல்வி அமைச்சு குறிப்பிட்டுள்ளது. தற்போது வரையில் 367000 உயர்தர பரீட்சை விண்ணப்பங்கள் கிடைத்துள்ளதாக கல்வி அமைச்சு குறிப்பிட்டுள்ளது. இதேவேளை இன்று மாலை அல்லது நாளை காலை சாதாரண பரீட்சை பெறுபேறுகளை வெளியிடுவதற்கு நடவடிக்கை மேற்கொள்ளப்பட்டு வருவதாக பரீட்சை ஆணையாளர் குறிப்பிட்டுள்ளார். முடிந்தளவு இன்று மாலை வெளிடுவதற்கு நடவக்கைகள் மேற்கொள்ளப்பட்டுள்ளதாக அவர் மேலும் தெரிவித்துள்ளார்.

கொரோனா வைரஸினால் பீடிக்கப்பட்டவர்களை அடையாளம் கண்டுகொள்வதற்கான பரிசோதனைகளை இலங்கையின் மூன்று பல்கலைக்கழகங்கள் நடத்தவுள்ளதாக தெரிவிக்கப்படுகின்றது. இத்தகவலை சுகாதார சேவை பணிப்பாளர் நாயகம் டாக்டர் அனில் ஜாசிங்க தெரிவித்தார். அந்தவகையில் பேராதனை, களனி மற்றும் கொழும்பு ஆகிய பல்கலைக்கழகங்களே இப்பரிசோதனையை நடத்த கோரிக்கை விடுத்துள்ளதாகவும் அவர் மேலும் தெரிவித்தார்.

அடையாள அட்டையின் இறுதி எண்களின் அடிப்படையில் வெளியே செல்வதற்கு அனுமதி வழங்கும் நடைமுறையானது கொரோனா நோய்த் தொற்று பரவுகையை அதிகரிக்கும் என அரசாங்க மருத்துவ அதிகாரிகள் சங்கத்தினர் எச்சரிக்கை விடுத்துள்ளனர். தேசிய அடையாள அட்டையின் இறுதி இலக்கங்களின் அடிப்படையில் குறிப்பிட்ட நாட்களுக்கு மட்டும் வெளியே செல்லும் நடைமுறை ஒன்றை காவல்துறையினர் அறிமுகம் செய்துள்ளனர். இந்த முறைமையினால் நாடு முழுவதிலும் கொரோனா வைரஸ் தொற்று பரவக்கூடிய அபாய நிலைமை காணப்படுகின்றது என சுட்டிக்காட்டியுள்ளனர். ஒவ்வொரு தினங்களிலும் ஒவ்வொரு நபர்கள் வீட்டிலிருந்து வெளியே செல்வதற்கு அனுமதிப்பதனால் கொரோனா வைரஸ் தொற்று எல்லா வீடுகளையும் தாக்குவதற்கான சாத்தியங்கள் அதிகம் என தெரிவித்துள்ளனர். இந்த எச்சரிக்கையை கருத்திற்கொள்ளாவிட்டால் கொரோனா வைரஸ் தொற்று பரவுகையை கட்டுக்குள் வைத்துக் கொள்வதில் சவால்களை எதிர்நோக்க நேரிடும் என எச்சரிக்கை விடுத்துள்ளனர். புதிய இடங்களில் கொரோனா நோய்த் தொற்று பரவியதாக பதிவாகியுள்ள நிலையில் அந்த நோயாளிகளை அண்டிய பகுதிகளின் பரவுகை பற்றி மதிப்பீடு செய்யாது, இந்த அடையாள அட்டை நடைமுறை பின்பற்றப்படுவத...

யாழ்ப்பாணம் கோப்பாய் தேசிய கல்வியற் கல்லூரியில் தனிமைப்படுத்தலுக்காக இராணுவத்தினர் தங்க வைக்கப்படுவதற்கு மக்கள் மத்தியில் எதிர்ப்பு வெளியாகியமையினால் அப்பகுதியில் இன்று (27.04.2020) காலை ஏராளமான இராணுவமும் பொலிஸாரும் குவிக்கப்பட்டமையினால் பதற்றமான நிலை காணப்பட்டது. இது தொடர்பில் மேலும் தெரியவருவதாவது, யாழ்ப்பாணத்தில் இருந்து விடுமுறைக்காக தமது ஊர்களுக்கு சென்ற இராணுவத்தினரை மீள கடமைக்கு அழைக்கப்பட்டுள்ள நிலையில் அவர்களை 21 நாட்கள் தனிமைப்படுத்த யாழ்ப்பாணம் கோப்பாய் தேசிய கல்வியற் கல்லூரியின் இரண்டு விடுதிகள் ராணுவத்தினரால் கையகப்படுத்தப்பட்டுள்ளது. இது தொடர்பில் மக்கள் அச்சமடையத் தேவையில்லை.கொரோனா தொற்றுடைய எவரையும் கல்லூரிக்கு அழைத்து வரவில்லை. யாழ்ப்பாணம் கோப்பாய் பிரதேசத்தில் கடமையாற்றி விடுமுறையில் நிற்கின்ற இராணுவத்தினரையே தனிமை படுத்துவதற்காகவே கல்லூரியில் 2 விடுதிகள் கையகப்படுத்தப்பட்டுள்ளதாக இராணுவம் தெரிவித்துள்ளது. எனினும் இதற்கு மக்கள் மத்தியில் எதிர்ப்பு வந்தமையினால் இராணுவமும் பொலிஸாரும் களமிறக்கப்பட்டனர்.இதனால் அப்பகுதியில் சிறிது நேரம் பரபரப்பான நிலமை காணப்பட்டது.

உலக நாடுகளைக் கதிகலங்க வைத்துக்கொண்டிருக்கும் பாரிய உயிர்க்கொல்லி நோயான கொரோனா வைரஸ் இலங்கையிலும் தனது தாண்டவத்தை நாளுக்கு நாள் அதிகரித்து வருகின்றது. இலங்கையில் கொரோனா வைரஸ் தொற்றுக்குள்ளாகியவர்களின் எண்ணிக்கை 523 ஆக உயர்ந்துள்ளது. நேற்றுமுன்தினம் கொரோனா வைரஸ் தொற்றுடன் 40 பேர் அடையாளம் காணப்பட்டிருந்தனர். இந்தநிலையில் நேற்று 63 பேர் புதிய தொற்றாளர்களாக அடையாளம் காணப்பட்டுள்ளனர். இந்த எண்ணிக்கை அதிகரிப்பு மக்களைப் பேரச்சத்தில் ஆழ்த்தியுள்ளது. இந்தத் தொகையானது இலங்கையில் ஒரே நாளில் அதிக கொரோனா தொற்றாளர்கள் அடையாளம் காணப்பட்ட எண்ணிக்கையாகப் பதிவாகியுள்ளது. இதற்கு முன்னர் கடந்த 24ஆம் திகதி ஆகக் கூடுதலாக 52 பேர் கொரோனா தொற்றுடன் அடையாளம் காணப்பட்டிருந்தனர். நேற்றுப் புதிதாக அடையாளம் காணப்பட்டவர்களில் 53 பேர் வெலிசறை கடற்படை முகாமையைச் சேர்ந்தவர்கள் எனவும், 10 பேர் தனிமைப்படுத்தல் நிலையங்களில் தங்கவைக்கப்பட்டிருந்தவர்கள் எனவும் சுகாதார சேவைகள் பணிப்பாளர் நாயகம் விசேட வைத்திய நிபுணர் அனில் ஜாசிங்க தெரிவித்துள்ளார். வெலிசறை கடற்படை முகாமிலிருந்து விடுமுறையில் பொ...

கொரோனா வைரஸ் தொற்று காரணமாக ஐபிஎல் கிரிக்கெட் போட்டி காலவரையின்றி ஒத்திவைக்கப்பட்டுள்ளது. போட்டி நடக்குமா? என்ற சந்தேகம் உள்ளது. ரசிகர்கள் இல்லாமல் மூடிய மைதானத்திற்குள் போட்டியை நடத்தலாம் என்ற ஆலோசனைகளும் வழங்கப்பட்டு வருகின்றன. இந்நிலையில் இந்திய அணியின் ஆல்-ரவுண்டரான ஹர்திக் பாண்ட்யாவும் ரசிகர்கள் இல்லாமல் போட்டியை நடத்தலாம் எனத் தெரிவித்துள்ளார். இதுகுறித்து ஹர்திக் பாண்ட்யா கூறுகையில் ‘‘ரசிகர்கள் கூட்டம் இல்லாத நிலையில் ரஞ்சி கோப்பை போட்டியில் நான் விளையாடியுள்ளேன். அதன் உணர்வு வித்தியாசமானது. ஒருவேளை ஐபிஎல் போட்டிகளும் அப்படி நடந்தால் சிறந்த ஆப்சனாக இருக்கும். குறைந்த பட்சம் மக்கள் வீட்டில் இருந்தே போட்டியை பார்க்க முடியும்’’ என்றார்.

வடகொரியாவின் கிழக்குப்பகுதியில் உள்ள வான்சன் நகரில் கிம் ஜாங் உன் நலமுடன் இருக்கிறார். அப்படியென்றால் அவர் இறந்ததாக வரும் செய்திகள் என்னாயின. பார்ப்போம் வடகொரிய அதிபர் கிம் ஜாங் உன் உயிரிழந்து விட்டதாகத் தகவல்கள் வலுத்து வந்த நிலையில், அவர் உயிருடனும் நலமுடனும் ரிசார்ட்டில் இருப்பதாகத் தென்கொரிய அதிபரின் தலைமைப் பாதுகாப்பு அதிகாரி தெரிவித்துள்ளார். தென் கொரிய அதிபர் ‘மூன் ஜே-இன்’னின் சிறப்பு ஆலோசகரான ‘மூன் ச்சங்-இன்’ சி.என்.என். நிறுவனத்துக்கு அளித்த பேட்டியின் போது இப்படித் தெரிவித்துள்ளார். கடந்த ஏப்ரல் 11ஆம் தேதிக்குப் பிறகு கிம் ஜாங் உன் பொது நிகழ்ச்சிகளில் எதிலும் பங்கேற்கவில்லை. ஏப்ரல் 15ஆம் தேதி நடந்த அவரது தாத்தாவின் பிறந்தநாள் விழாவிலும் அவர் கலந்துகொள்ளவில்லை. தாத்தாவின் பிறந்தநாள், வடகொரியாவின் அரசாங்க நாட்காட்டியில் முக்கியமான நிகழ்வுகளில் ஒன்று என்பதும் குறிப்பிடத்தக்கது. இப்படி வெளிப்படையாகத் தெரியும்படியான இவரது இல்லாமை, மக்கள் மத்தியில் நிறைய குழப்பங்களையும் சமூக வலைதளங்களில் ஏராளமான யூகங்களையும் கிளப்பியுள்ளது. ஆனால், கிம் ஜாங் உன் உயிருடனும், ந...

பிரிட்டனில் கொரோனா தடுப்பு ஊசி போட்டுக் கொண்ட உயிரிழந்துவிட்டதாக செய்தி பரவி வருகிறது. பிரிட்டனில் ஆக்ஸ்போர்டு பல்கலைக் கழகம் கண்டுபிடித்து இருக்கும் கொரோனாவுக்கு எதிரான தடுப்பு ஊசி பரிசோதனை கடந்த வாரம் வியாழக் கிழமை இருவருக்கு செலுத்தப்பட்டது. இதையடுத்து அந்த இரண்டு பேரும் தொடர்ந்து 48 மணி நேரத்திற்கு கண்காணிக்கப்பட்டு, பின்னர் மற்ற தன்னார்வலர்களுக்கும் இந்த ஊசி செலுத்தப்படும் என்று அறிவிக்கப்பட்டு இருந்தது. இந்த தடுப்பு ஊசி வெற்றி பெற்றால், வரும் செப்டம்பர் மாதம் பத்து லட்சம் ஊசிகள் பிரிட்டனில் முதற்கட்டமாக மக்களுக்கு செலுத்தப்படும் என்று ஆக்ஸ்போர்டு பல்கலைக் கழகம் தெரிவித்து இருந்தது. முதல் ஊசியை அறிவியல் விஞ்ஞானி எலிசா கிரான்டோ போட்டுக் கொண்டார். மருத்துவ உலகின் சவாலுக்கு, சாதனைக்கு தான் துணை இருக்கப் போவதாகவும், இந்த தடுப்பு ஊசி நல்ல பலனை கொடுக்கும் என்றும் நம்பிக்கை தெரிவித்து இருந்தார். கொரோனாவுக்கு ஹைட்ராக்ஸி குளோரோகுயின் மாத்திரையால் பலன் இல்லை இந்த நிலையில் அவர் ஊசி போட்டுக் கொண்ட இரண்டு நாட்களில் உயிரிழந்துவிட்டதாக செய்தி வெளியானது. இதை பலரும் தங்களத...

கோவிட்-19 வைரஸ் தொற்றை உண்டாக்கும் சார்ஸ்-கொரோனா வைரஸ்-2 (Sars-CoV-2) என்று பெயரிடப்பட்டுள்ள வைரஸ் கிருமியிடம் இருந்து தப்பிக்க கைப்பிடியை பிடிக்காமல் முழங்கையால் அழுத்திக் கதவுகளைத் திறப்பது, அலுவலக மேசைகளை கிருமிநாசினி மூலம் அடிக்கடி சுத்தம் செய்வது, பேருந்துகளில் கைபிடியைப் பிடிக்காமல் பயணிப்பது உள்ளிட்டவற்றை உலகெங்கும் உள்ள மக்கள் பின்பற்றி வருகின்றனர். அவற்றின் மேற்பரப்பில் ஒருவேளை கொரோனா வைரஸ் கிருமி இருந்தால் அதை தொற்றிக்கொள்ளாமல் இருக்க இவ்வாறு செய்கின்றனர். ஆனால், எந்தெந்த பொருட்கள் மீது இந்த வைரஸ் எவ்வளவு நேரம் உயிருடன் இருக்கும்? இருமல் மற்றும் தும்மலின்போது மூக்கு மற்றும் வாய் வழியாக, மிகச்சிறிய, சுமார் 3,000 எண்ணிக்கை அளவிலான உமிழ்நீர்த் துளிகள் வெளிவரும். இந்தத் துளிகளின் அளவு 1-5 மைக்ரோ மீட்டர் மட்டுமே. அதாவது மனிதர்களின் சராசரி மயிரிழை ஒன்றின் அகலத்தில் 30இல் ஒரு பங்கு. ஆடைகள், பொருட்கள் மீது மட்டும் படியாமல் காற்றிலும் கலக்கும் இந்தத் துகள்கள், காற்றில் மூன்று மணிநேரம் வரை உயிர்ப்புடன் இருக்கும். ஒரு துளியில் எத்தனை வைரஸ்கள் இருக்கும் என்பது குறித்த சரியான தரவுகள் இ...

நேற்று (27) நள்ளிரவு மேலும் 18 நோயாளர்கள் அடையாளம் காணப்பட்டதை தொடர்ந்தே இந்த எண்ணிக்கை அதிகரித்துள்ளது. நேற்றைய நாளில் மாத்திரம் 63 கொரோனா தொற்றாளர்கள் அடையாளம் காணப்பட்டதாக தொற்று நோயியல் ஆய்வு பிரிவு தெரிவித்துள்ளது. இது ஒரு நாளில் இலங்கையில் அடையாளம் காணப்பட்ட அதிகூடிய கொரோனா தொற்றாளர்களின் எண்ணிக்கையாகும். கடந்த திங்கட்கிழமை முதல் இதுவரையான 6 நாட்களில் 252 கொரோனா தொற்றாளர்கள் அடையாளம் காணப்பட்டுள்ளனர். அதில் கூடுதலான நோயாளர்கள் வெலிசர கடற்படை முகாமிலேயே அடையாளம் காணப்பட்டுள்ளனர். இலங்கையில் கடந்த ஜனவரி மாதம் 27 ஆம் திகதி முதன் முதலாக சீனப் பெண்ணொருவர் கொரோனா வைரசுடன் அடையாளம் காணப்பட்டார். அன்றிலிருந்து 100 நோயாளர்கள் இனம் காணப்பட வெறுமனே 57 நாட்களே சென்றன. இரண்டாவது 100 நோயாளர்கள் பதிவாக 20 நாட்களே சென்றன. மூன்றாவது 100 நோயாளர்களும் 08 நாட்களுக்குள் அடையாளம் காணப்பட்டனர். நான்காவது 100 நோயாளர்களும் நாங்கு நாட்களுக்குள் அடையாளம் காணப்பட்டதுடன், இறுதியாக அடையாளம் காணப்பட்ட 100 நோயாளர்கள் பதிவாக இரண்டு நாட்களே சென்றன. இதுவரை 396 பேர் வைத்தியசாலைகளில் வைத்திய கண்காணிப்பில் உள்ளனர்...

சாட்டை மற்றும் பிரம்பால் அடித்து தண்டனை வழங்கப்படும் முறையை சௌதி அரேபிய அரசு கைவிட உள்ளதாக அந்த நாட்டின் சட்ட ஆவணம் ஒன்றை மேற்கோள் காட்டி ஊடகங்கள் செய்தி வெளியிட்டுள்ளன. சாட்டை மற்றும் பிரம்பால் அடிப்பதற்கு பதிலாக சிறை அல்லது அபராதம் விதிக்கலாம் என்று சௌதி அரேபிய உச்ச நீதிமன்றம் உத்தரவிட்டுள்ளதாக அந்த செய்திகள் தெரிவிக்கின்றன. சௌதி அரேபிய அரசர் சல்மான் மற்றும் நாட்டின் நடைமுறை ஆட்சியாளராக இருக்கும் பட்டத்து இளவரசர் முகமது பின் சல்மான் ஆகியோர் மேற்கொள்ளும் மனித உரிமைகள் தொடர்பான சீர்திருத்தத்தின் ஓர் அங்கம் என்று இந்த தண்டனை ஒழிப்பை அந்த ஆவணம் விவரிக்கிறது. அரசுக்கு எதிரான கருத்துடையவர்களை சிறையில் அடைப்பது, அரசுக்கு எதிராக எழுதிய பத்திரிகையாளர் ஜமால் கஷோக்ஜி கொலை உள்ளிட்டவற்றில் சௌதி அரேபிய அரசு மனித உரிமைகளை பின்பற்றவில்லை என்று நீண்டகாலமாக விமர்சனத்திற்கு உள்ளாகி வருகிறது. சௌதி அரேபியாவில் பேச்சு மற்றும் கருத்து சுதந்திரம் பெருமளவில் முடக்கப்பட்டு உள்ளதாகவும் அரசாங்கத்திற்கு எதிரானவர்கள் மற்றும் அரசை விமர்சிப்பவர்கள் காரணம் ஏதுமின்றி கைது செய்யப்படுவதாகவும், சௌதி அரேபியா ...

க.பொ.த. சாதாரணத் தரப் பரீட்சைப் பெறுபேறுகள் இன்னும் இரு தினங்களில் வெளியிடப்படும் பரீட்சைகள் ஆணையாளர் தெரிவித்துள்ளார். www.doenets.lk எனும் இணையத்தளத்தின் மூலம் பரீட்சார்த்திகள் பெறுபேறுகளை அறிந்துகொள்ளலாம் எனவும்இ தற்காலிக சான்றிதழையும் இணையத்தில் பெற்றுக்கொள்ளலாம் எனவும் பரீட்சைகள் ஆணையாளர் சனத் பூஜித தெரிவித்துள்ளார். “கொரோனா வைரஸ் பரவல் காரணமாக பாடசாலைகளுக்கு பெறுபேறுகள் தபாலில் அனுப்பப்பட மாட்டாது. ஆனால், அதிபர்களுக்கு பெறுபேறுகளை அனுப்புவதற்கு வேறொரு வழிமுறை கையாளப்படும். வலயக் கல்விப் பணிப்பாளர்களும் மாகாணக் கல்விப் பணிப்பாளர்களும் பெறுபேறுகளை இணையத்தில் அணுகுவதற்காக பிரத்தியேக கடவுச்சொற்களும் பயனர் பெயர்களும் வழங்கப்படும்” எனவும் பரீட்சைகள் ஆணையாளர் சனத் பூஜித தெரிவித்துள்ளார்.

ஏழாலையில் எரிந்த நிலையில் முதியவர் ஒருவரின் சடலம் மீட்கப்பட்டுள்ளது. மயிலங்காடு முருகமூர்த்தி ஆலயத்துக்கு அண்மையாகவே இன்று காலை சடலம் மீட்கப்பட்டது என்று சுன்னாகம் பொலிஸார் தெரிவித்தனர். மயிலங்காடு பகுதியைச் சேர்ந்த நடேசமூர்த்தி (வயது -82) என்பவரே இவ்வாறு எரிந்த நிலையில் சடலமாக மீட்கப்பட்டுள்ளார். அவர் தனக்குத் தானே எரியூட்டி உயிரிழந்துள்ளார் என்று பொலிஸார் கூறினர்.

ஊரடங்குச் சட்டம் தளர்த்தப்பட்ட பின்னர், கொழும்பு மாவட்டத்தின் அரச மற்றும் தனியார் துறை ஊழியர்களுக்காக முறையான போக்குவரத்து சேவைகளை வழங்க இலங்கை போக்குவரத்து சபை தீர்மானித்துள்ளது. சேவைகளை ஆரம்பிக்க விரும்பும் அரச மற்றும் தனியார் துறை நிறுவனங்கள் ஒவ்வொரு வழியிலும் பயணிக்க எதிர்பார்க்கும் ஊழியர்களின் எண்ணிக்கை மற்றும் நிறுவனங்களின் தகவல்களை மின்னஞ்சல் மூலம் அனுப்பி வைக்க முடியும். அதன்படி, இலங்கை போக்குவரத்து சபை எதிர்வரும் 28 ஆம் திகதி மேற்குறித்த தகவல்களை dgmoperation@sltb.lk என்ற மின்னஞ்சலுக்கு அனுப்பி வைக்குமாறு கேட்டுள்ளது.

மேல், சப்ரகமுவ மற்றும் தென் மாகாணங்களில் அவ்வப்போது மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. நாட்டின் ஏனைய பிரதேசங்களில் பல இடங்களில் பி.ப. 2.00 மணிக்குப் பின்னர் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது. மேல், மத்திய, தென், சப்ரகமுவ மற்றும் வடமேல் மாகாணங்களிலும் அனுராதபுரம் மாவட்டத்திலும் சில இடங்களில் 50 மி.மீ க்கும் அதிகமான ஓரளவு பலத்த மழைவீழ்ச்சி எதிர்பார்க்கப்படுகின்றது. இடியுடன் கூடிய மழை பெய்யும் வேளைகளில் அப் பிரதேசங்களில் தற்காலிகமாக பலத்த காற்றும் வீசக்கூடும். மின்னல் தாக்கங்களினால் ஏற்படக்கூடிய பாதிப்புகளை குறைத்துக்கொள்ள தேவையான முன்னெச்சரிக்கை நடவடிக்கைகளை எடுத்துக் கொள்ளுமாறு பொதுமக்கள் அறிவுறுத்தப்படுகின்றார்கள். சப்ரகமுவ மற்றும் மத்திய மாகாணங்களில் சில இடங்களில் காலை வேளையில் பனிமூட்டமான நிலை எதிர்பார்க்கப்படுகின்றது. மழை நிலைமை: மன்னாரிலிருந்து புத்தளம், கொழும்பு, காலி, ஹம்பாந்தோட்டை மற்றும் பொத்துவில் ஊடாக மட்டக்களப்பு வரையான கரையோரத்திற்கு அப்பாற்பட்ட கடற்பரப்புகளில் பல இடங்களில் மழையோ ...

ஊரடங்குச் சட்டம் தொடர்ந்தும் அமுல்படுத்தப்பட்டுள்ள மாவட்டங்களில் தபால் அலுவலகங்களை மீள திறப்பது குறித்து நாளைய தினம் (27) விசேட கலந்துரையாடல் ஒன்று இடம்பெறவுள்ளது. தபால் அலுவலகங்களை மீள திறப்பது தொடர்பான தகவல்கள் குறித்து விசேட செயலணியை தெளிவுப்படுத்தியுள்ளதாக தபால் திணைக்களம் தெரிவித்துள்ளது. அத தெரணவிற்கு கருத்து தெரிவித்த தபால்மா அதிபர் ரஞ்ஜித் ஆரியரத்ன இதனை தெரிவித்துள்ளார்.

இலங்கையில் மேலும் 5 பேர் கொரோனா வைரஸ் தொற்றுக்கு உள்ளாகி இருப்பதாக சுகாதார அமைச்சு தெரிவித்துள்ளது. அதன் அடிப்படையில் இலங்கையில் கொரோனா வைரஸ் தொற்றுக்கு உள்ளானவர்கள் எண்ணிக்கை 467 ஆக அதிகரித்துள்ளது. இதுவரையில் கொரோனா வைரஸ் தொற்றுக்குள்ளானவர்களில் 120 பேர் பூரணகுணம் அடைந்துள்ளதுடன் ஏழு பேர் உயிரிழந்துள்ளனர். தற்போது 340 பேர் வைத்தியசாலைகளில் சிகிச்சை பெற்று வருவதாக சுகாதார அமைச்சு மேலும் தெரிவித்துள்ளது.

இலங்கையில் மேலும் 5 பேர் கொரோனா வைரஸ் தொற்றுக்கு உள்ளாகி இருப்பதாக சுகாதார அமைச்சு தெரிவித்துள்ளது. அதன் அடிப்படையில் இலங்கையில் கொரோனா வைரஸ் தொற்றுக்கு உள்ளானவர்கள் எண்ணிக்கை 440 ஆக அதிகரித்துள்ளது. இதுவரையில் கொரோனா வைரஸ் தொற்றுக்குள்ளானவர்களில் 116 பேர் பூரணகுணம் அடைந்துள்ளதுடன் ஏழு பேர் உயிரிழந்துள்ளனர்.

கொழும்பு, களுத்துறை, கம்பஹா மற்றும் புத்தளம் மாவட்டங்களுக்கான ஊரடங்கு உத்தரவு மேலும் நீடிக்கப்பட்டுள்ளது. அதன்படி குறித்த மாவட்டங்களுக்கான ஊரடங்கு உத்தரவு எதிர்வரும் மே மாதம் நான்காம் திகதி காலை 5.00 மணி வரை நீடிக்கப்பட்டுள்ளதாக ஜனாதிபதி ஊடகப் பிரிவு தெரிவித்துள்ளது. ஏனைய மாவட்டங்களுக்கான ஊரடங்கு உத்தரவு எதிர்வரும் 27 ஆம் திகதி முதல் மே மாதம் முதலாம் திகதி வரை நாள்தோறும் காலை 5 மணிக்கு தளர்த்தப்பட்டு இரவு 8 மணிக்கு மீண்டும் அமல்படுத்தப்பட உள்ளதாக ஜனாதிபதி ஊடகப்பிரிவு மேலும் தெரிவித்துள்ளது.